Af erlendri rót

Ritstjóri/ar/Höfundur/ar: 
Svanfríður Larsen

– Þýðingar í blöðum og tímaritum á íslensku 1874-1910 – 

Mikill vöxtur var í útgáfu prentmiðla á síðustu áratugum nítjándu aldar og í upphafi þeirrar tuttugustu. Þessari útgáfu fylgdi stóraukin þýðingastarfsemi og birtist í tímaritum og blöðum ákaflega fjölskrúðugt úrval af þýddu efni. Hér voru á ferð skáldsögur í formi neðanmálssagna, smásögur og ljóð eftir heimsþekkta sem lítt þekkta höfunda víða að úr heiminum auk margs konar hagnýtra texta af ýmsum gerðum. 
Í þessari bók Svanfríðar Larsen, er þetta efni skráð og flokkað í fyrsta sinn, svo að loks er hægt að gera sér mynd af þessu víðfeðma þýðingarstarfi. Í bókinni má sjá hvaða höfundar voru þýddir, hvers konar textar voru vinsælastir til þýðingar og í mörgum tilvikum hverjir voru mikilvirkustu þýðendurnir. Skránni fylgir ítarlegur inngangur um þýðingar tímabilsins. 
Ritið er hið 59. í ritröðinni Studia Islandica.. 
Ritstjóri er Gunnþórunn Guðmundsdóttir.

Útgáfuár: 
2006
Blaðsíðufjöldi: 
284
ISBN: 
9979-9774-7-8
Verknúmer: 
U200648
Verð: 
3550