Almanak HÍ 2017

Ritstjóri/ar/Höfundur/ar: 
Þorsteinn Sæmundsson og Gunnlaugur Björnsson

Út er komið Almanak fyrir Ísland 2017 sem Háskóli Íslands gefur út. Þetta er 181. árgangur ritsins. Þorsteinn Sæmundsson stjörnufræðingur og Gunnlaugur Björnsson stjarneðlisfræðingur hjá Raunvísindastofnun Háskólans hafa samið og reiknað almanakið. Ritið er 96 bls. að stærð.
   Auk dagatals flytur almanakið margvíslegar upplýsingar, svo sem um sjávarföll og  gang himintungla. Lýst er helstu fyribærum á himni sem frá Íslandi sjást. Í almanakinu eru stjörnukort, kort sem sýnir áttavitastefnur á Íslandi og kort sem sýnir tímabelti heimsins. Þar er að finna  yfirlit um hnetti himingeimsins, mælieiningar, veðurfar, stærð og mannfjölda allra sjálfstæðra ríkja og tímann í höfuðborgum þeirra. Af nýju efni má nefna grein um svonefndar þyngdarbylgjur sem vísindamönnum hefur tekist að mæla og opna nýja sýn á alheiminn. Þá er fjallað um vísbendingar sem fundist hafa um áður óþekkta reikistjörnu. Loks eru í almanakinu upplýsingar um helstu merkisdaga nokkur ár fram í tímann.
Á heimasíðu almanaksins (almanak.hi.is) geta menn fundið ýmiss konar fróðleik til viðbótar, þar á meðal upplýsingar sem borist hafa eftir að almanakið fór í prentun.

Útgáfuár: 
2016
Blaðsíðufjöldi: 
96
Verknúmer: 
U201700
Verð: 
2590