Félagsfræði

Handleiðsla – Til eflingar í starfi

Höfundur/-ar/Ritstjóri/-ar: 
Sigrún Júlíusdóttir
Verð: 
5990

Í þessari bók fjalla sautján sérfræðingar úr ólíkum faghópum um handleiðslu innan velferðarþjónustu og vinnumarkaðar. Sagt er frá hugmynda- og þekkingar- grunni handleiðslufræða og hlutverki handleiðara. Handleiðari hefur menntun og færni til að hjálpa fagmanni til að laða fram það besta í sjálfum sér, njóta sín í starfi og sækja sér sérhæfingu í takti við þarfir og aðstæður í starfi.

Þessi bók er sú fyrsta sinnar tegundar á íslensku. Auk tengingar við kenningagrunn, sögu og þróun handleiðslu eru kynntar fjölmargar hliðar handleiðsluferlisins, samskipta og stjórn- unar og greint frá forvarnargildi handleiðslu gegn stöðnun og starfsþroti í krefjandi störfum hjúkrunarfræðinga. Hún gagnast sem handbók og er kærkomið kennslu- og fræðsluefni fyrir hjúkrunarfræðinga í heilbrigðisþjónustu og víðar.

Ólafur G. Skúlason hjúkrunarfræðingur, Msc, og fyrrverandi formaður Félags íslenskra hjúkrunarfræðinga.

Það er fagnaðarefni að út komi fræðibók á íslensku fyrir háskólanema, fagfólk, yfirmenn og stjórnendur á vinnumarkaði. Hér er vönduð umfjöllun um mikilvægi þess að ólíkar starfs- greinar fái stuðning og rými til að öðlast fagþroska. Með fjölbreyttri nálgun í handleiðslu má takast á við streitu, efla vinnustaðamenningu og auka þrótt og vellíðan í starfi.

Kristín Heba Gísladóttir, framkvæmdastjóri Vörðu – rannsóknastofnunar vinnumarkaðarins

Þessi yfirgripsmikla og vandaða bók er fengur sem örugglega verður fagnað af þeim sem sinna handleiðslu. Útkoma hennar er löngu tímabært framtak og sannkölluð gjöf til þeirra sem vilja efla sig í starfi og styrkja aðra til að verða enn betri fagmenn.

Guðfinna Eydal, klínískur sálfræðingur og handleiðari

Í sjúkraþjálfun er gagnsemi handleiðslu í faglegum samskiptum við fjölbreyttan hóp skjól- stæðinga ótvíræð. Þegar tekist er á við líkamlegar hindranir og sálfélagslega áhrifaþætti reynir á mörk og næmi sjúkraþjálfara fyrir skjólstæðingi. Handleiðsla sem fagvernd á erindi til sjúkraþjálfara í námi, starfi og í stjórnun.

Gunnar Önnu Svanbergsson, sjúkraþjálfari, MSc í heilbrigðisvísindum og sérfræðingur hjá Stígandi sjúkraþjálfun

Fyrir hverja er bókin?

Þessari bók er ætlað að mæta brýnni þörf fyrir kennsluefni um handleiðslufræði handa fagfólki og háskólanemendum á sviði uppeldisstarfa, félags-, heilbrigðis- og menntavísinda. Jafnframt getur sú þekking um faghandleiðslu sem hér er að finna gagnast yfirmönnum og stjórnendum á sviði velferðar- þjónustu og í stofnunum atvinnulífs, stjórnunar, þróunar og þjónustu.

 

 

 

Blaðsíðufjöldi: 
258
Útgáfuár: 
2020
ISBN: 
978-9935-23-241-0
Útgáfuform: 
Tungumál: 
Verknúmer: 
U201930

Af neista verður glóð

Höfundur/-ar/Ritstjóri/-ar: 
Halldór S. Guðmundsson og Sigrún Harðardóttir
Verð: 
5900

Dr. Sigrún Júlíusdóttir, prófessor emeritus við Háskóla Íslands, er frumkvöðull sem sett hefur mark sitt á þróun íslensks samfélags og velferðarmála, bæði á hinum starfstengda vettvangi og á sviði fræðaiðkunar. Rannsóknarsvið hennar er víðfeðmt og spannar m.a. fjölskyldumál og samskipti, barna- og fjölskylduvernd og rannsóknir og þróun í félagsráðgjöf ásamt faghandleiðslu. Eftir hana liggur fjöldi bóka og bókarkafla, ritrýndra greina og annað fræðilegt efni. Að auki hefur Sigrún ritað fjölmargar greinar og unnið fræðsluefni ætlað almenningi.

Af neista verður glóð er greinasafn sem gefið er út Sigrúnu til heiðurs. Í fyrri hluta þess eru átta almennar greinar þar sem fjallað er um mikilvægi tengsla, þróun úrræða í félagsþjónustu, skólafélagsráðgjöf, réttarfélagsráðgjöf og forvarnir og einnig um deigluna, söguna og samstöðuna í fagi og fræðum félagsráðgjafar. Í síðari hlutanum eru ellefu ritrýndar fræðigreinar þar sem einkum er varpað ljósi á barnavernd, fjölskyldustefnu, skólastarf, fjölskyldumeðferð, skilnaðarmál, handleiðslu, fagþróun og vinnuaðferðir.

Bókin nýtist einkum félagsráðgjöfum og öðru fagfólki í heilbrigðis- og velferðarþjónustu, nemendum í félagsráðgjöf, sem og öðru áhugafólki um viðfangsefni félagsráðgjafar.

 

Blaðsíðufjöldi: 
302
Útgáfuár: 
2020
ISBN: 
978-9935-23-219-9
Útgáfuform: 
Tungumál: 
Verknúmer: 
U201912

Lífssögur ungs fólks

Höfundur/-ar/Ritstjóri/-ar: 
Sigrún Aðalbjarnardóttir
Verð: 
8450

Fátt er okkur mikilvægara en uppeldi og menntun barna og ungmenna. Í þessari bók beinist athyglin að því mikilvæga hlutverki uppalenda að hlúa að vellíðan og velferð æskunnar, bæði henni og samfélaginu til heilla í samtíð og framtíð.

Bókin er á margvíslegan hátt nýjung á innlendum og erlendum vettvangi. Hún byggist á viðamikilli langtímarannsókn höfundar þar sem kannaðir eru ýmsir þroskaþættir ungmenna frá upphafi unglingsára fram á þrítugsaldur. Sérstök áhersla er þar lögð á að skoða hvernig uppeldisaðferðir foreldra geta haft áhrif á samskiptahæfni ungmenna og líðan, sjálfstraust þeirra og trú á eigin sjálfstjórn, námsgengi og áhættuhegðun allt að átta árum fram í tímann.

Raktar eru áhugaverðar lífssögur fimm ungmenna frá því þau eru á sextánda ári og fram á fertugsaldur. Þar lýsa þau samskiptum sínum við þá sem þeim eru nánir: foreldra, vini, sambúðarfólk og eigin börn. Styrkleikar þeirra eru dregnir fram sem og uppeldissýn þeirra, meðal annars þau gildi sem þau vilja rækta með börnum sínum.

Lífssögur ungs fólks er bók sem á brýnt erindi við okkur öll.

Dr. Sigrún Aðalbjarnardóttir er prófessor í uppeldis- og menntunarfræði við Háskóla Íslands. Hún hefur hlotið viðurkenningar fyrir störf sín, meðal annars við Háskóla Íslands fyrir „lofsvert framlag til rannsókna“ og Saman- hópsins fyrir „vel unnin fræðistörf og gagnlegar rannsóknir í þágu foreldra og barna“. Auk þess hlaut hún riddarakross hinnar íslensku fálkaorðu „fyrir störf í þágu uppeldisvísinda og menntunar“.

Að kanna lífssögur ungs fólks er öllum þjóðfélögum afar gagn- legt. Það hefur dr. Sigrún Aðalbjarnardóttir nú gert í framhaldi af bók sinni um virðingu og umhyggju og eykur þannig enn skilning á okkur sjálfum og því samfélagi sem við erum saman um að mynda.

Vigdís Finnbogadóttir

 

 

 

Blaðsíðufjöldi: 
565
Útgáfuár: 
2019
ISBN: 
978-9935-23-195-6
Útgáfuform: 
Tungumál: 
Verknúmer: 
U201824

Ójöfnuður á Íslandi

Höfundur/-ar/Ritstjóri/-ar: 
Stefán Ólafsson og Arnaldur Sölvi Kristjánsson
Verð: 
6900

Háskólaútgáfan kynnir nýja bók, Ójöfnuður á Íslandi – Skipting tekna og eigna í fjölþjóðlegu samhengi, eftir Stefán Ólafsson og Arnald Sölva Kristjánsson.

Bókin er afrakstur mikils rannsóknarstarfs sem höfundar hafa unnið að um nokkurra ára skeið. Þeir sækja í smiðjur alþjóðlegra rannsókna á þessu sviði og bera saman langtímaþróun á Íslandi við niðurstöður Thomas Piketty og félaga fyrir helstu vestrænu samfélögin. Höfundar styðjast  einnig við fjölda annarra alþjóðlegra rannsókna sem fram hafa komið á síðustu árum og nota víðtæk gögn frá OECD, Eurostat og Luxembourg Income Survey (LIS).

Ójöfnuður á Íslandi fjallar um hvernig tekju- og eignaskipting á Íslandi þróaðist frá millistríðsárunum til samtímans. Sýnt er hversu ójafnt tekjur og eignir skiptust fyrir stríð en urðu svo mun jafnari á eftirstríðsárunum. Í um hálfa öld voru Íslendingar, ásamt öðrum norrænum þjóðum, með einna jöfnustu tekjuskiptingu sem þekktist í heiminum. Þjóðfélagið tók síðan stakkaskiptum með verulegri aukningu ójafnaðar á rúmum áratug fram að hruni fjármálakerfisins árið 2008. Þau umskipti tengjast einkum breyttu þjóðmálaviðhorfi og nýjum aðstæðum sem eiga rætur að rekja til stjórnmála, hnattvæðingar og fjármálavæðingar.

Þetta er í senn saga mikilla umskipta og raunar mikillar sérstöðu íslensks samfélags. Meginmynstrið í langtímaþróun ójafnaðar á Íslandi var þó svipað og hjá mörgum vestrænum þjóðum, eins og fram kemur í rannsóknum Thomas Piketty og félaga. En sveiflur milli jafnaðar og ójafnaðar voru óvenjumiklar á Íslandi.

Bókin byggist á viðamiklum greiningum og alþjóðlegum samanburði á skiptingu tekna og eigna en þróun ójafnaðarins er sett í samhengi við einkenni íslenska samfélagsins til lengri tíma: atvinnuþróun, stjórnmál, stéttaskiptingu, hugarfar, kynjamun, skattamál, vinnumarkað, velferðarríki og þjóðarauð.

Stefán Ólafsson lauk meistaraprófi í þjóðfélagsfræðum frá Edinborgarháskóla og doktorsprófi frá Oxfordháskóla. Hann starfar sem prófessor við Háskóla Íslands.

Arnaldur Sölvi Kristjánsson lauk meistaraprófi í hagfræði frá Háskóla Íslands og Toulouseháskóla og doktorsprófi frá Oslóháskóla. Hann starfar sem sérfræðingur við norska fjármálaráðuneytið í Osló.

Blaðsíðufjöldi: 
450
Útgáfuár: 
2017
ISBN: 
978-9935-23-129-1
Útgáfuform: 
Tungumál: 
Verknúmer: 
U201627

Afbrot og íslenskt samfélag

Höfundur/-ar/Ritstjóri/-ar: 
Helgi Gunnlaugsson
Verð: 
4900

Bókin Afbrot og íslenskt samfélag er innlegg í umræðu um íslenskt samfélag og þróun þess frá sjónarhorni félags– og afbrotafræðinnar. Tilgangur bókarinnar er að koma á framfæri aðgengilegu íslensku lesefni um afbrot á Íslandi og um leið að vekja áhuga og umræður um málefnið. Stuðst er við viðhorfsmælingar, opinber gögn, rýnihópa, fjölmiðla og niðurstöður sem túlkaðar eru í ljósi alþjóðlegs samanburðar.

Í bókinni er meðal annars leitað svara við eftirtöldum spurningum:

  • Hver hefur þróun afbrota verið á Íslandi á síðustu árum?
  • Hvað einkennir íslensk fangelsi og fanga?
  • Hvernig hafa Íslendingar brugðist við fíkniefnavandanum?
  • Eru dómstólar vægari en almenningur?
  • Hverjir eru gerendur kynferðisbrota gegn börnum?
  • Hvert er umfang netbrota á Íslandi?

Helgi Gunnlaugsson er prófessor í félagsfræði við Háskóla Íslands. Hann hefur kennt afbrotafræði við skólann í fjölda ára og sat í stjórn Norræna sakfræðiráðsins 2001 – 2015. Hann lauk doktorsprófi frá Missouri háskóla í Bandaríkjunum þar sem hann sérhæfði sig í afbrotafræði og réttarfélagsfræði. Helgi hefur einn eða í samstarfi við aðra gefið út fjölda verka, þar á meðal: Afbrot og Íslendingar (2000), Wayward Icelanders: Punishment, Boundary Maintenance and the Creation of Crime (2000) og Afbrot á Íslandi (2008). Auk þess hafa greinar birst víða í fræðaheiminum, meðal annars í European Journal of Criminology, Howard Journal of Crime and Justice, Criminology and Crime Prevention og Social Problems.

 

 

Blaðsíðufjöldi: 
312
Útgáfuár: 
2018
ISBN: 
978-9935-23-178-9
Útgáfuform: 
Tungumál: 
Verknúmer: 
U201804

Ójöfnuður á Íslandi

Höfundur/-ar/Ritstjóri/-ar: 
Stefán Ólafsson og Arnaldur Sölvi Kristjánsson
Verð: 
6900

Ójöfnuður á Íslandi fjallar um hvernig tekju- og eignaskipting á Íslandi þróaðist frá millistríðsárunum til samtímans. Sýnt er hversu ójafnt tekjur og eignir skiptust fyrir stríð en urðu svo mun jafnari á eftirstríðsárunum. Í um hálfa öld voru Íslendingar, ásamt öðrum norrænum þjóðum, með einna jöfnustu tekjuskiptingu sem þekktist í heiminum. Þjóðfélagið tók síðan stakkaskiptum með verulegri aukningu ójafnaðar á rúmum áratug fram að hruni fjármálakerfisins árið 2008. Þau umskipti tengjast einkum breyttu þjóðmálaviðhorfi og nýjum aðstæðum sem eiga rætur að rekja til stjórnmála, hnattvæðingar og fjármálavæðingar.

Þetta er í senn saga mikilla umskipta og raunar mikillar sérstöðu íslensks samfélags. Meginmynstrið í langtímaþróun ójafnaðar á Íslandi var þó svipað og hjá mörgum vestrænum þjóðum, eins og fram kemur í rannsóknum Thomas Piketty og félaga. En sveiflur milli jafnaðar og ójafnaðar voru óvenjumiklar á Íslandi.

Bókin byggist á viðamiklum greiningum og alþjóðlegum samanburði á skiptingu tekna og eigna en þróun ójafnaðarins er sett í samhengi við einkenni íslenska samfélagsins til lengri tíma: atvinnuþróun, stjórnmál, stéttaskiptingu, hugarfar, kynjamun, skattamál, vinnumarkað, velferðarríki og þjóðarauð.

Ójöfnuður á Íslandi er grundvallarrit um þróun íslensks samfélags, stjórnmál og lífskjör.

Blaðsíðufjöldi: 
460
Útgáfuár: 
2017
ISBN: 
978-9935-23-129-1
Útgáfuform: 
Tungumál: 
Verknúmer: 
U201627

Fléttur IV – Margar myndir ömmu

Höfundur/-ar/Ritstjóri/-ar: 
Irma Erlingsdóttir, Ragnheiður Kristjánsdóttir, Sigrún Alba Sigurðardóttir og Sólveig Anna Bóasdóttir
Verð: 
5900

Fjórða hefti ritraðar RIKK er tileinkað ömmum og langömmum. Í greinunum eru sagðar sögur kvenna sem lifðu þann tíma þegar nútíminn hóf innreið sína á Íslandi og ljósi varpað á hugmyndaheim þeirra, stöðu og aðstæður og framlag til þróunar nútímasamfélags á Íslandi. Fræðimenn af óíkum sviðum, s.s. sagnfræði, guðfræði, félagsfræði, stjórnmálafræði og bókmenntafræði, setja lífshlaup formæðra sinna í samhengi við samfélagsgerðina sem, hvað sem borgaralegum réttindum leið, takmarkaði möguleika þeirra til þáttöku í opinberu lífi og um leið til sjálfstæðis og frelsis. Jafnframt er þáttur þeirra í að endurmóta ríkjandi hugmyndir um kvenleikann og samfélagslegt hlutverk sitt metinn og spurt hvaða tækifæri konur höfðu til þess að hafa áhrif í samfélaginu, bæði með starfi sínu inn á við, í þágu heimilis, en ekki síður út á við, til dæmis í gegnum félagasamtök og kvenfélög sem voru í hverri sveit. Greinarnar draga upp fjölbreytta mynd af lífi kvenna á Íslandi um aldamótin 1900 og fram á miðja 20. öld með því að tefla saman kenningarlegri nálgun og persónulegri frásögn.

Guðni Th. Jóhannesson, forseti Íslands, ritar formála að bókinni.

Blaðsíðufjöldi: 
316
Útgáfuár: 
2016
ISBN: 
978-9935-23-112-3
Útgáfuform: 
Tungumál: 
Verknúmer: 
U201606

Fléttur III - Jafnrétti, menning, samfélag

Höfundur/-ar/Ritstjóri/-ar: 
Annadís G. Rúdolfsdóttir, Guðni Elísson, Ingólfur Ásgeir Jóhannesson og Irma Erlingsdóttir
Verð: 
4900
Háskóli Íslands

Viðfangsefni bókarinnar eru birtingarmyndir misréttis í samfélagi og menningu og áhrif þess á aðstæður karla og kvenna. Má þar nefna átök femínista af ólíkum skólum á Íslandi, misnotkun valds og andóf í kristinni trúarhefð og stöðu kvenna í bókmenntum og kvikmyndum. Í bókinni er sjónum jafnframt beint að samtvinnun ólíkra þátta mismununar, skörun fötlunar og kyngervis, og íslenskri friðargæslu í ljósi femínískra öryggisfræða. Einnig er rætt um þær afleiðingar sem ofríki karllægrar hugmyndafræði hafði í fjármálakreppunni árið 2008 og í umræðunni um loftslagsbreytingar.

Blaðsíðufjöldi: 
312
Útgáfuár: 
2014
ISBN: 
978-9935-23-017-1
Útgáfuform: 
Efnisorð: 
Tungumál: 
Verknúmer: 
U201331

Velferð barna

Höfundur/-ar/Ritstjóri/-ar: 
Salvör Nordal, Sigrún Júlíusdóttir og Vilhjálmur Árnason
Verð: 
3900
Háskóli Íslands

Í bókinni fjalla þrettán höfundar á sviði félagsráðgjafar, guðfræði, heimspeki, næringarfræði, sálfræði og uppeldisfræði um siðferðileg álitamál tengd börnum og skilyrði þess að þeim geti farnast vel. Í brennidepli er ráðandi gildismat í neyslusamfélagi nútímans og áhrif þess á velferð barna. Rætt er um foreldrahlutverkið, merkingu og gildi frelsis í uppeldi barna og um þá ábyrgð sem við berum sameiginlega á uppeldisskilyrðum þeirra og hvernig þau mótast. Jafnframt er hugað að réttindum barna og líkamlegri og andlegri næringu þeirra. Vigdís Finnbogadóttir, fyrrverandi forseti Íslands, ritar inngangsorð.

Blaðsíðufjöldi: 
181
Útgáfuár: 
2011
ISBN: 
978-9979-54-893-5
Efnisorð: 
Tungumál: 
Verknúmer: 
U201029

Pages

Þú ert að nota: brimir.rhi.hi.is