Sagnfræði

Hvílíkt torf – Tóm steypa! Úr torfhúsum í steypuhús

Höfundur/-ar/Ritstjóri/-ar: 
Hjörleifur Stefánsson
Verð: 
5900

Bókin Hvílíkt torf – tóm steypa! fjallar um þá byltingu í húsagerð sem varð þegar Íslendingar yfirgáfu torfbæinn og tóku að byggja úr steinsteypu. Árið 1900 var efnt til mikillar rannsóknar sem átti að leiða til niðurstöðu um hvernig byggja ætti í framtíðinni. Upplýsingum um byggingarhætti um land allt var safnað. Heimildir byggingarrannsóknarinnar er aðaluppistaða bókarinnar og veita þær einstaka innsýn í lokaskeið torfhúsahefðarinnar. Einnig er gerð grein fyrir mótunarsögu steinsteypuhúsanna á fyrstu áratugum 20. aldar og hvernig torfhúsamenning var yfirgefin með trega. 

Bókin opnar leið inn í hugarheim Bjarts í sumarhúsum.
Blaðsíðufjöldi: 
384
Útgáfuár: 
2020
ISBN: 
978-9935-23-244-1
Útgáfuform: 
Tungumál: 
Verknúmer: 
U202012

Gleymið ekki að endurnýja - saga Happdrættis Háskóla Íslands

Höfundur/-ar/Ritstjóri/-ar: 
Stefán Pálsson
Verð: 
6900

Fyrsti útdráttur Happdrættis Háskóla Íslands fór fram í Iðnó þann 10. mars árið 1934 að viðstöddu fjölmenni. Á undraskjótum tíma urðu miðakaup í Háskólahappdrættinu fastur liður í heimilishaldi stórs hluta Íslendinga, sem gerðu sér ferð í hverjum mánuði til umboðsmanns síns til að endurnýja. Háskólahappdrættið hefur fylgt þjóðinni upp frá þessu og staðið straum af byggingu og viðhaldi alls húsnæðis Háskóla Íslands auk þess að styðja við vísindastarf á ýmsan hátt.

Í sögu Happdrættis Háskóla Íslands tekur Stefán Pálsson sagnfræðingur saman ýmsa þræði. Hann rekur byggingarsögu Háskólans, deilur Íslendinga um happdrættismál og þróun hvers kyns happdrættisleikja hér á landi sem erlendis. Sagt er frá átökum á bak við tjöldin og rifjuð upp ýmis áform sem ekki urðu að veruleika. Fjöldi mynda prýðir þessa rúmlega 400 síðna bók sem kemur skemmtilega á óvart.

Kaupa 

 

Blaðsíðufjöldi: 
416
Útgáfuár: 
2020
ISBN: 
978-9935-23-240-3
Útgáfuform: 
Tungumál: 
Verknúmer: 
U201928

Sjálf í sviðsljósi

Höfundur/-ar/Ritstjóri/-ar: 
Ingibjörg Sigurðardóttir, Davíð Ólafsson og Sigurður Gylfi Magnússon
Verð: 
4900

Ingibjörg Steinsdóttir er ekki hér. Hún er ekki lengur til sem lifandi vera en minjar um ævi hennar liggja hins vegar eins og reki í margs konar ,,textum". Sögur af Ingibjörgu hafa verið skrifaðar og endurskrifaðar, sagðar og endursagðar, lesnar og túlkaðar á margvíslegan hátt. Dótturdóttir og nafna Ingibjargar hitti ömmu sína aldrei í lifanda lífi en ólst upp við litríkar sögur af henni og stöðugan samanburð, bæði undir jákvæðum og neikvæðum formerkjum. Í þessari bók freistar höfundur þess að komast að því hver Ingibjörg Steinsdóttir var en jafnframt að gefa henni rödd í sögunni.

Blaðsíðufjöldi: 
288
Útgáfuár: 
2020
ISBN: 
978-9935-23-228-1
Útgáfuform: 
Tungumál: 
Verknúmer: 
U201923

Andvari 2020

Höfundur/-ar/Ritstjóri/-ar: 
Ármann Jakobsson
Verð: 
3900

Andvari, rit Hins íslenska þjóðvinafélags, er kominn út. Ritstjóri er Ármann Jakobsson. Aðalgrein Andvara 2020 er æviágrip Brodda Jóhannessonar skólastjóra. Höfundur er Þórólfur Þórlindsson, prófessor emeritus við félagsvísindadeild Háskóla Íslands. Þórólfur fjallar þar rækilega um hugmyndir Brodda og samhengi þeirra. 

Í Andvara er einnig grein eftir Láru Magnúsardóttur sagnfræðing þar sem hún ræðir hugsanlega tilurð hinnar þekktu vísu „Jólasveinar einn og átta“ og tengir við átök um kirkjuvald á 13. öld. Steinunn Inga Óttarsdóttir ritar um Oddnýju Guðmundsdóttur frá Hóli sem var stórmerk skáldkona en hefur verið lítill sómi sýndur. Auður Aðalsteinsdóttir fjallar um listakonuna Drífu Viðar sem einnig var ritdómari og aðferð hennar við gagnrýni. 

Þrjár greinar Andvara 2020 fjalla með einum eða öðrum hætti um tengsl Íslands við umheiminn. Arngrímur Vídalín fjallar um blámenn í fornsögum, Páll Björnsson segir frá Íslandsferð fiðluleikarans og tónskáldsins Johan Svendsen, og Markus Meckl segir frá frönsku trúboði á Íslandi á 19. öld. 

Ritstjóri Andvara er Ármann Jakobsson og ritar hann pistil um árið 2020 og ýmis merk tímamót sem þá urðu. Þetta er 145. árgangur Andvara en hinn 62. í nýjum flokki. Ritið er að þessu sinni 207 síður. Aðsetur ritsins eru nú hjá Háskólaútgáfunni í aðalbyggingu Háskóla Íslands.  

 

 

Blaðsíðufjöldi: 
206
Útgáfuár: 
2020
ISBN: 
977-0258-377-01-45
Útgáfuform: 
Tungumál: 
Verknúmer: 
U202023

Hugmyndaheimur Páls Briem

Höfundur/-ar/Ritstjóri/-ar: 
Ragnheiður Kristjánsdóttir og Sverrir Jakobsson
Verð: 
5900

Páll Briem var einn áhrifamesti stjórnmálamaður Íslands á seinni hluta 19. aldar og markaði víða spor í íslensku þjóðlífi þó að hann næði ekki háum aldri. Starfsævi hans spannaði allan seinni hluta Landshöfðingjatímans og er til marks um þá gerjun sem var í íslensku samfélagi á þeim tíma. Ný baráttumál komu til sögunnar til viðbótar við þjóðfrelsisbaráttuna, svo sem áhersla á verklegar framkvæmdir og efnahagslegan viðgang Íslands en einnig aukið lýðræði, jafnrétti kynjanna og meiri pólitíska þátttöku almennings.

Páll vildi lyfta umræðu um framtíð Íslands úr hjólförum stjórnarskrármálsins og átti umdeildasta hugmynd hans, Miðlunin, að vera skref í þá átt. Þar hafði Páll ekki erindi sem erfiði en með nýjum áherslum í stjórnmálaumræðunni og deilum Valtýinga og Heimastjórnarmanna um aldamótin 1900 virtist aftur hafa skapast rými fyrir Pál og sjónarmið hans. Starfsævi Páls er því bitastætt og margslungið viðfangsefni.

Hér skrifa sjö virtir sagnfræðingar um Pál Briem í ljósi sinnar sérþekkingar og er útkoman sagnfræðirit þar sem ferill Páls er greindur út frá ýmsum sjónarhornum. Sjónum er sérstaklega beint að vanmetnu framlagi hans til stjórnmála- og hugmyndasögu Íslendinga.

 

Blaðsíðufjöldi: 
224
Útgáfuár: 
2020
ISBN: 
978-9935-23-205-2
Útgáfuform: 
Tungumál: 
Verknúmer: 
U201835
Stofnanir: 

Landnám Íslands

Höfundur/-ar/Ritstjóri/-ar: 
Haraldur Bernharðsson
Verð: 
6900

Veturinn 2014–2015 gekkst Miðaldastofa Háskóla Íslands fyrir röð fyrirlestra um landnám Íslands. Landnámið er spennandi rannsóknarefni enda gefst þar einstakt tækifæri til að afla vitneskju um hvernig samfélag manna verður til í ósnortnu landi. Rannsóknarsaga landnámsins er löng. Framan af voru ritheimildir á borð við Landnámabók, Íslendingabók Ara fróða og Íslendingasögur í öndvegi en á undanförnum áratugum hafa rannsóknir á fornleifum skipað æ stærri sess og notið stuðnings af rannsóknum á gjóskulögum og mannabeinum og af geislakolsmælingum. Þá hafa mikilsverðar upplýsingar fengist úr rannsóknum í erfðafræði og vistfræði og öðrum greinum. Á þessari bók birtast fjórtán greinar byggðar á fyrirlestrunum þar sem innlendir og erlendir fræðimenn segja frá rannsóknum sínum á landnámi Íslands frá ólíkum hliðum og sjónarhóli ólíkra fræðigreina, svo sem sagnfræði, siglingafræði, vistfræði, málsögu, menningarfræði og bókmenntafræði.

 

Blaðsíðufjöldi: 
354
Útgáfuár: 
2019
ISBN: 
978-9935-23-194-9
Útgáfuform: 
Tungumál: 
Verknúmer: 
U201823

Tími töframanna - Áratugur hinna miklu heimspekinga 1919–1929

Höfundur/-ar/Ritstjóri/-ar: 
Wolfram Eilenberger
Verð: 
5900

Þýðandi: Arthúr Björgvin Bollason

Tími töframanna er grípandi lýsing á einum mesta umbrotatíma í evrópskri menningarsögu. Í bókinni, sem er magnaður spegill óróans og sköpunargleðinnar sem ríkti í Weimar-lýðveldinu á þriðja áratug síðustu aldar, rekur höfundur tilraunir fjögurra hugsuða til að átta sig á stöðu mannsins í heimi sem er á hverfanda hveli. Hildarleikur heimsstyrjaldarinnar fyrri er að baki og ný veröld vísindalegra framfara í burðarliðnum.

Í bókinni kynnumst við ekki aðeins hugsun „töframannanna“ fjögurra, Walters Benjamin, Ernsts Cassirer, Martins Heidegger og Ludwigs Wittgenstein, heldur fáum við jafnframt innsýn í það hvernig ástir og ástríður fléttast saman við heimspeki þeirra. Lesandinn er leiddur inn í töfraveröld hugsunar, þar sem gætir hugljómunar og ógnvekjandi drunga á víxl.

Tími töframanna er einstæð lýsing á því hvernig fjórir um margt mjög ólíkir hugsuðir freista þess að skýra af hvaða rótum menning okkar, tungumál og skilningur á heiminum eru sprottin, og hvernig við getum hagað tilvist okkar á óvissutímum sem eiga um margt skylt við það umrót sem ríkir við upphaf 21. aldar.

Bókin vakti mikla hrifningu þegar hún kom út og sat lengi ofarlega á metsölulistum í Þýskalandi, auk þess sem hún hefur verið þýdd á rúmlega 20 tungumál.

Um höfundinn:

Wolfram Eilenberger fæddist árið 1972 í borginni Freiburg í Svartaskógi. Hann lauk doktorsprófi í heimspeki frá háskólanum í Zürich árið 2008. Bók hans Finnen von Sinnen kom út árið 2010. Í henni fjallar Eilenberger, sem er kvæntur finnskri konu, á kankvísan hátt um kynni sín af mannlífinu í Finnlandi. Bókin varð metsölubók bæði í Þýskalandi og Finnlandi. Eilenberger hefur sent frá sér nokkrar bækur um heimspeki og var um árabil ritstjóri heimspekitímaritsins Philosophie Maga­zin. Hann er að auki mikill knattspyrnuáhugamaður og hefur getið sér gott orð fyrir greinaskrif um íþróttir.

Um þýðandann:

Arthúr Björgvin Bollason lauk magistersprófi í heimspeki frá háskólanum í Hannover í Þýskalandi. Arthúr hefur þýtt fjölmörg skáld- og fræðirit úr þýsku, auk þess sem hann hefur sent frá sér frumsamdar bækur um margvísleg efni, bæði á íslensku og þýsku. Árið 1999 kom út eftir hann ljóðabókin Okkar á milli.

 

 

Blaðsíðufjöldi: 
384
Útgáfuár: 
2019
ISBN: 
978-9935-23-212-0
Útgáfuform: 
Tungumál: 
Verknúmer: 
U201904

Híbýli fátæktar

Höfundur/-ar/Ritstjóri/-ar: 
Finnur Jónasson, Sólveig Ólafsdóttir og Sigurður Gylfi Magnússon
Verð: 
4900

Hvað gerir hús  húsaskjóli og hvað þarf til lífsbjargar?  þess- ari bók verða heimili, efnisleg gæði og daglegt líf fátæks fólks  19. öld og  fyrri hluta 20. aldar til skoðunar. Fátækt hafði afgerandi áhrif  alþýðu landsins en hver voru hin samfélagslegu úrræði? Höfundar bókarinnar fjalla um fátækt  lið- inni tíð frá ýmsum hliðum með sérstakri áherslu  híbýli. Hér birtist meðal annars stórt ljósmyndasafn Sigurðar Guttormssonar bankastarfsmanns frá Vestmannaeyjum (1930–45) um hreysi á Íslandi.

 

Blaðsíðufjöldi: 
252
Útgáfuár: 
2019
ISBN: 
978-9935-23-167-3
Útgáfuform: 
Tungumál: 
Verknúmer: 
U201901

Segulbönd Iðunnar

Höfundur/-ar/Ritstjóri/-ar: 
Rósa Þorsteinsdóttir o.fl.
Verð: 
14900

Út  eru komin 160 kvæðalög úr safni Kvæðamannafélagsins Iðunnar, á bók og fjórum geisladiskum. Segja má að útgáfan sé framhald af Silfurplötum Iðunnar sem gefnar voru út í tilefni af 75 ára afmæli félagsins árið 2004. Þar voru gefin út 200 kvæðalög úr hljóðritasafni félagsins sem teknar voru upp á lakkplötur á árunum 1935 og 1936. Hér birtast nú rímnalög sem eiga það sameiginlegt að hafa verið hljóðrituð á segulbönd eftir að sú tækni kom til sögunnar hér á landi, eða á árunum í kringum 1960. Með hverju lagi eru prentaðar nótur og vísur og hefur Steindór Andersen leitað uppi vísur og kvæði og höfunda þeirra. Ragnar Ingi Aðalsteinsson hefur tekið saman yfirlit yfir bragarhætti rímna og skrár yfir bragarhætti eru prentaðar aftan við stemmurnar til þess að auðvelda fólki að finna stemmur við ákveðna bragarhætti. Í bókinni eru einnig greinar sem tengjast efninu, eftir Njál Sigurðsson um sögu Iðunnar á segulbandatímanum, eftir Guðmund Stein Gunnarsson um það að skrifa nótur við kvæðalög og þá lýsir Guðríður B. Helgadóttir reynslu sinni af því að alast upp í lifandi kveðskaparhefð. Hún fjallar einnig um það hvernig kvæðalögin færast á milli kynslóða og hvernig hver kvæðamaður eða -kona gerir þau að sínum. Ritstjórinn, Rósa Þorsteinsdóttir og Bára Grímsdóttir, formaður Iðunnar, rita inngang. Með þessari útgáfu er framhaldið því stefnumiði Iðunnar að kynna kveðskaparhefðina og er fólk hvatt til að nýta sér útgáfuna til þess að læra kvæðalög og æfa sig að kveða.

 

Blaðsíðufjöldi: 
2 949
Útgáfuár: 
2018
ISBN: 
978-9979-654-47-6
Útgáfuform: 
Tungumál: 
Verknúmer: 
U201818

Sigurtunga

Höfundur/-ar/Ritstjóri/-ar: 
Birna Arnbjörnsdóttir, Höskuldur Þráinsson og Úlfar Bragason
Verð: 
5900

Þessi bók er safn greina um vesturíslenskt mál og menningu eftir tuttugu höfunda. Þær tengjast nýjum rannsóknum á máli og menningarlegri sjálfsmynd fólks af íslenskum uppruna í Vesturheimi og fjalla um sögu og bókmenntir vesturfaranna og þróun þeirrar íslensku sem hefur verið töluð vestra. Íslenskan í Vesturheimi, vesturíslenska, er svokallað erfðarmál, en svo nefnast þau mál sem innflytjendur og afkomendur þeirra tala í samfélagi þar sem annað tungumál er ríkjandi. Rannsóknir á eðli og örlögum slíkra mála hafa notið vaxandi vinsælda víða um heim á undanförnum árum og rannsóknir á vesturíslensku eru framlag til þeirra fræða. Í bókinni er að finna yfirlit um þessar rannsóknir og sögu og bókmenntir vesturfaranna og afkomenda þeirra. Þótt sumar greinarnar fjalli um flókin fræðileg efni er lagt kapp á framsetning þeirra sé aðgengileg, enda er bókin ætluð öllum þeim sem hafa áhuga á vesturíslenskum málefnum.

Ritstjórar eru Birna Arnbjörnsdóttir, Höskuldur Þráinsson og Úlfar Bragason en forseti Íslands, Guðni Th. Jóhannesson, skrifar formálsorð.

Blaðsíðufjöldi: 
418
Útgáfuár: 
2018
ISBN: 
978-9935-23-191-8
Útgáfuform: 
Tungumál: 
Verknúmer: 
U201811

Pages

Þú ert að nota: brimir.rhi.hi.is