Sálfræði

Síðustu ár sálarinnar

Höfundur/-ar/Ritstjóri/-ar: 
Ársæll Már Arnarsson
Verð: 
5900

Höfum við sál? Líklega hafa fæstir ígrundað þessa ógnarstóru spurningu enda kannski ekki ljóst hvað felst í því fyrirbæri. Í þessu riti er farið yfir helstu hugmundir Vesturlandabúa um sálina allt frá tímum Forngrikkja, en þær hafa frá upphafi verið bæði margbreytilegar og oft óskýrar. Árið 1543 voru flestir Evrópumenn þeirrar skoðunar að kjarni hverrar manneskju væri hin efnislausa og eilífa sál. En einmitt á því ári komu úr tvær merkilegar bækur. Önnur þeirra fjallaði einkum um stjörnufræði en hin um líffærafræði en í báðum fólst róttæk sýn á stöðu mannsins og sálarinnar. Rúmum þremur öldum síðar varð sálfræðin sjálfstæð fræðigrein undir miklum áhrifum frá þeirri byltingu sem orðið hafði í vísindum. En þrátt fyrir nafngiftina var hin nýja sálfræði algerlega sálarlaus. 

Í ritinu fer höfundur yfir elstu þekktu hugmyndir Vesturlandabúa um sálina og það hvernig vísindabyltingin kollvarpaði þeim, sem varð síðan til þess að nútímamaðurinn glataði sálinni – að minnsta kosti fræðilega séð.

Bókin er einkum ætluð nemendum í sálfræði, heimspeki, guðfræði og vísindasögu en einnig öðru áhugafólki um slík fræði.

Ársæll Már Arnarsson er prófessor í sálfræði við Háskólann á Akureyri. Hann hefur birt fjölda greina um sálfræði, læknisfræði og lífeðlisfræði í mörgum af virtustu vísindatímaritum heims.

Blaðsíðufjöldi: 
332
Útgáfuár: 
2016
ISBN: 
978-9935-23-119-2
Útgáfuform: 
Efnisorð: 
Tungumál: 
Verknúmer: 
U201623

Af sál

Höfundur/-ar/Ritstjóri/-ar: 
Andri S. Björnsson, Guðfinna Eydal og Katrín Kristjánsdóttir
Verð: 
4900

Af sál er gefin út til heiðurs Álfheiði Steinþórsdóttur sálfræðingi á sjötugs afmæli hennar. Í bókinni má finna fjölda greina eftir samstarfsfólk Álfheiðar, vini hennar og fjölskyldu. Efni þeirra er af ýmsum toga. Sumar fjalla greinarnar um Álfheiði sjálfa og lífshlaup hennar. Aðrar taka á mörgum þeim hugðarefnum sem henni hafa verið hugleikin á langri starfsævi svo sem sálrænni meðferð, þroska einstaklingsins og hinu fjölbreytta starfi sálfræðinga á ýmsum sviðum þjóðlífsins.

Álfheiður er frumkvöðull á sviði sálfræði hér á landi. Hún hóf störf á Kleppi, vann um árabil hjá Félagsmálastofnun og stofnaði síðar Sálfræðistöðina ásamt Guðfinnu Eydal. Hún hefur alla tíð sinnt sálrænni meðferð og handleiðslu. Þær Guðfinna hafa enn fremur haldið ótal námskeið og ritað í sameiningu bækur um fræðasvið sitt. Álfheiður er fyrsti handhafi heiðursverðlauna Sálfræðingafélags Íslands.

Blaðsíðufjöldi: 
314
Útgáfuár: 
2016
ISBN: 
978-9935-23-109-3
Útgáfuform: 
Efnisorð: 
Tungumál: 
Verknúmer: 
U201602

Innra augað

Höfundur/-ar/Ritstjóri/-ar: 
Árni Kristjánsson
Verð: 
7400
Háskóli Íslands

Titill þessarar bókar, Innra Augað, vísar til þess að heilinn er stærsta skynfærið. Þegar við sjáum er langt í frá að við skynjum einfaldlega það ljós sem berst inn um sjáöldrin. Öðru nær. Sjónskynjun felur í sér geysiflókin úrvinnslu- og túlkunarferli.

Í bókinni fjallar Árni Kristjánsson sálfræðingur og taugavísindamaður um hlutverk hugans í sjónskynjun og hvernig slíkar hugmyndir hafa þróast í hugmyndasögunni. Fjölmörg athyglisverð dæmi eru nefnd til vitnis um hvernig hugurinn ræður því hvernig við skynjum umheiminn.

Árni Kristjánsson lauk árið 2002 doktorsprófi í tilraunasálfræði frá Harvard-háskóla í Massachusetts í Bandaríkjunum með sjónskynjun og taugavísindi sem sérgrein. Eftir doktorsprófið starfaði Árni sem vísindamaður (honorary research fellow) við Institute of Cognitive Neuroscience við University College London og er nú dósent við Sálfræðideild Háskola Íslands.

Blaðsíðufjöldi: 
266
Útgáfuár: 
2012
ISBN: 
978-9979-54-924-6
Útgáfuform: 
Efnisorð: 
Tungumál: 
Verknúmer: 
U201215

Sálfræðiþjónusta skóla

Höfundur/-ar/Ritstjóri/-ar: 
Kristinn Björnsson
Verð: 
ISK 1200 - Fjölrit
Háskóli Íslands

Þáttur hagnýtrar sálfræði 

Hér leitast höfundur, Kristinn Björnsson, við að svara nokkrum algengum spurningum um sálfræðiþjónustu í skólum eins og: 
Hvað er sálfræðiþjónusta? 
Hvaða hlutverki gegnir hún? 
Hverjar eru starfsaðferðir hennar og að hverju er stefnt? 

Einnig er í ritinu stutt yfirlit yfir sögu og þróun þessarar starfsemi hér á landi. 

Blaðsíðufjöldi: 
94
Útgáfuár: 
1991
ISBN: 
9979-54-030-3
Efnisorð: 
Tungumál: 
Verknúmer: 
U199208

Orðgnótt

Höfundur/-ar/Ritstjóri/-ar: 
Guðmundur Arnkelsson
Verð: 
3200
Háskóli Íslands

Orðalisti í almennri sálarfræði - 5. útgáfa Þessi orðalisti er tilkominn vegna skorts á aðgengilegum orðalista í sálarfræði á háskólastigi. Grunnur var lagður að listanum með því að orðtaka kennslubækur í inngangsnámskeiðum í sálarfræði. Auk þess hefur verið leitað til starfandi háskólakennara og þeir beðnir um að lesa yfir sín svið og bæta við orðum eins og þurfa þykir. Við val íslenskra fræðiheita var miðað við að velja orð sem voru í raunverulegri notkun meðal háskólakennara. Að öðru leyti var leitast við að fara milliveg milli hversdags-máls og skringiyrða. Litið var á það sem kost fremur en löst ef fleiri en eitt íslenskt orð væri gefið upp fyrir hvert erlent.

Í 5. útgáfu Orðgnóttar hefur allur texti verið yfirfarinn, stafavillur, missagnir og stöku efnisvillur lagfærðar. Nokkur fræðiheiti hafa bæst við, hátt í hundrað orðskýringar og 14 myndir. Mest áhersla hefur verið lögð á að auka við orðskýringar í tölfræði. Í þessari útgáfu eru 3.805 erlend heiti, 773 orðskýringar og 54 myndir.

Blaðsíðufjöldi: 
196
Útgáfuár: 
2000
ISBN: 
9979-54-693-X
Útgáfuform: 
Efnisorð: 
Tungumál: 
Verknúmer: 
U200025

Námsvísir í námssálarfræði

Höfundur/-ar/Ritstjóri/-ar: 
Guðmundur Bjarni Arnkelsson
Verð: 
ISK 1300 - Fjölrit
Háskóli Íslands

Leiðarvísir með bókinni Educational Psychology for Tomorrow’s Teacher Í þessum námshluta er námssálarfræði kynnt, fjallað um tengsl hennar við önnur svið sálarfræðinnar, við starf kennara og viðhorf almennings. Fjallað er um nokkur vaxandi svið innan námssálarfræðinnar, sagt frá gildi rannsókna fyrir nám og skólastarf og rætt um eðli kennarastarfsins.

Blaðsíðufjöldi: 
64
Útgáfuár: 
1994
ISBN: 
9979-54-064-8
Efnisorð: 
Tungumál: 
Verknúmer: 
U199402

Hvar er hún nú?

Höfundur/-ar/Ritstjóri/-ar: 
Jón Grétar Sigurjónsson, Jara Kristina Thomasdóttir og Páll Jakob Líndal ritst.
Verð: 
ISK 1990 - Kilja
Háskóli Íslands

Arfleifð atferlisstefnunnar á 21. öld

 

Árið 2004 hefði sálfræðingurinn, atferlisfræðingurinn og heimspekingurinn B.F. Skinner orðið 100 ára. Af því tilefni héldu 3 B.A. nemar í sálfræði ráðstefnu þar sem reynt var að fara var yfir framlag Skinners til sálfræði og heimspeki. Á ráðstefnunni voru 10 fyrirlestrar og eru 9 þeirra í þessari bók. Eftir því sem næst verður komist var engin önnur ráðstefna haldin í heiminum sem einungis fjallaði um Skinner.

 

 

Þetta er fyrsta bók sinnar tegundar á sem gefin hefur verið út á íslensku, sem fjallar einungis um atferlisstefnuna og er því um merkt framtak að ræða. Bókinni er ekki ætlað að vera lofræða um Skinner eða stefnu hans. Hins vegar er hér reynt að eyða ákveðnum misskilningi á stefnu Skinners sem hefur verið meðal íslenskra sem erlendra fræðimanna um nokkurt skeið.

 

 

Í fyrri hluta bókarinnar má meðal annars lesa nýja kenningu um upphaf þessarar merku sálfræðikenningar, greinar um kosti og galla heimspeki róttækrar atferlisfræði og hvert hún stefnir. Í seinni hlutanum er fjallaðum tæknilega kosti atferlisgreiningar og hvernig hægt er að hagnýta lögmál atferlisfræðinnar hvort heldur sem er í kennslu, á vinnustöðum eða í heilum byggðarlögum.

 

Ritstjórar eru: Jón Grétar Sigurjónsson, Jara Kristina Thomasdóttir og Páll Jakob Líndal. Þau hafa öll B.A. gráðu í sálfræði frá Háskóla Íslands og hafa starfað eða starfa þar sem aðstoðarkennarar.

 

Útgáfa bókarinnar og ráðstefnan voru styrkt af Háskóla Íslands, Félagsmálaráðuneytinu og The B.F. Skinner Foundation.

Blaðsíðufjöldi: 
265
Útgáfuár: 
2005
ISBN: 
9979-54-635-2
Efnisorð: 
Tungumál: 
Verknúmer: 
U200505
Þú ert að nota: brimir.rhi.hi.is