Listaháskóli Íslands

Framtíðarmúsík

Höfundur/-ar/Ritstjóri/-ar: 
Kristín Valsdóttir
Verð: 
4500

Síðastliðna tvo áratugi hefur orðið mikil gerjun og endurnýjun á sviði tónlistarmenntunar. Nýjar aðferðir og ný viðmið hafa rutt sér rúms í tónlistar- og tónmenntakennslu og tónlistarskólar leitast eftir auknu samstarfi við ólík skólastig. 

Þessi bók inniheldur tólf greinar sem byggðar eru á nýjum rannsóknum og þróunarverkefnum tengdum tónlistarmenntun og tónlistarmiðlun. Bakgrunnur höfunda er margvíslegur auk þess sem þeir starfa á ólíkum sviðum tónlistarmenntunar. Þeir eru tónmenntakennarar í grunnskóla, hljóðfærakennarar við tónlistarskóla og kennarar við Listaháskóla Íslands. Þannig eru greinahöfundar ekki einungis fulltrúar ólíkra skólaforma heldur einnig ólíkra skólastiga. 

Bókin er gefin út á vegum Rannsóknarstofu í listkennslufræðum, sem starfar undir hatti listkennsludeildar Listaháskóla Íslands, í samstarfi Háskólaútgáfuna. Fullyrða má að hún sé fyrsta bók sem gefin er út á íslensku um náms- og kennsluhætti í tónlistarnámi og fengur fyrir alla þá sem áhuga hafa á tónlistarmenntun á Íslandi.

Blaðsíðufjöldi: 
250
Útgáfuár: 
2018
ISBN: 
978-9935-23-180-2
Útgáfuform: 
Tungumál: 
Verknúmer: 
U201806
0

Merki og form

Höfundur/-ar/Ritstjóri/-ar: 
Gísli B. Björnsson
Verð: 
5900

Hönnun Gísa B. Björnssonar er mörgum hér á landi vel kunn. Á löngum starfsferli hefur hann hannað merki fjölda stofnana, fyrirtækja og félagasamtaka og hafa mörg þessara merkja verið í opinberri notkun í áratugi. Óhætt er að segja að Gísli sé frumkvöðull á sviði grafískrar hönnunar og einn afkastamesti merkjahönnuður landsins. Hann hefur einnig starfrækt auglýsingastofu og unnið við kennslu til fjölda ára.

Í bókinni Merki og form dregur Gísli fram í dagsljósið margvíslegar hugmyndir og tilraunir af skissublöðum síðustu fimm áratuga; form sem hafa verið honum hugleikin og liggja að baki fjölda verka hans. Í bókinni fjallar Gísli einnig um merkja- og formfræði, bæði í sögulegu samhengi og út frá eigin reynslu; um viðfangsefni, vinnubrögð og helstu áfanga hans sem teiknara og hönnuðar.

Blaðsíðufjöldi: 
168
Útgáfuár: 
2018
ISBN: 
978-9935-23-186-4
Útgáfuform: 
Efnisorð: 
Tungumál: 
Verknúmer: 
U201813
0

Snert á arkitektúr

Höfundur/-ar/Ritstjóri/-ar: 
Sigrún Alba Sigurðardóttir og Daniel Reuter
Verð: 
4600

Snert á arkitektúr fjallar um arkitektúr í samtímanum; hlutverk arkitekta, hugmyndir og verk íslenskra arkitekta, virkni arkitektúrs og áhrif hans á náttúru, umhverfi, samfélag, samskipti og hegðun fólks.

Við gerð bókarinnar voru tekin ítarleg viðtöl við átta arkitekta og umhverfishönnuði sem hafa haft umtalsverð áhrif á áherslur og stefnu í íslenskum arkitektúr á síðustu árum. Sigrún Alba Sigurðardóttir menningarfræðingur og lektor við hönnunar- og arkitektúrdeild dregur saman helstu niðurstöður úr viðtölunum og miðlar þeim í texta sem fjallar um hlutverk arkitektúrs og áhrif arkitektúrs og umhverfishönnunar á umhverfi, tilfinningar og samskipti fólks.

Ljósmyndir af íslenskum arkitektúr og manngerðu umhverfi í náttúrunni leika stórt hlutverk í bókinni en slíkar ljósmyndir geta vakið hugrenningatengsl og tjáð margslungnar tilfinningar, ekki síður en þær miðla upplýsingum um viðfangsefnið og draga athygli að einstökum þáttum í hönnun bygginga. Daniel Reuter ljósmyndari hefur myndað verk íslenskra arkitekta og manngert umhverfi á Íslandi með þetta í huga. Ljósmyndum hans er meðal annars ætlað að sýna okkur hvernig arkitektúr mótar skynjun okkar á ómeðvitaðan hátt og með hvaða hætti við getum tamið okkur að skynja, horfa og snerta á sífellt nýjan hátt.

Blaðsíðufjöldi: 
104
Útgáfuár: 
2017
ISBN: 
978-9935-23-142-0
Útgáfuform: 
Tungumál: 
Verknúmer: 
U201705
0

Ásýnd heimsins - Um listir og fagurfræði í hugmyndaheimi nútímans

Höfundur/-ar/Ritstjóri/-ar: 
Gunnar J. Árnason
Verð: 
6900

Hugmyndaheimur nútímans er stöðugt í deiglunni og erfitt að henda reiður á öllum þeim ólíku hræringum í vísindum, heimspeki, stjórnmálum og siðfræði sem móta hann. Hvaða þátt hafa listir gegnt í þeirri mótun? Standa listamenn hjá sem áhorfendur að sjónarspili samtímans eða eru verk þeirra þýðingarmikill áhrifavaldur í lífi okkar?

Listamenn hafa sjálfir ekki skorast undan því að spyrja hvaða erindi listin eigi við samtímann og gengið lengst í gagnrýni og endurskoðun á hlutverki hennar og gildi. Að þessu leyti hafa þeir átt samleið með mörgum þeirra hugsuða sem hafa átt stóran hlut í að móta heimsmynd nútímans frá átjándu öld og fram undir lok tuttugustu aldar. 

Í bókinni er að finna aðgengilegan inngang að hugmyndum fjölda hugsuða og því hlutverki sem listir og fagurfræði hafa gegnt í hugmyndum þeirra. Allir hafa þeir tekist á við þá spurningu hvaða hlutverki listir gegni í tilveru mannsins og samfélaginu.

Gunnar J. Árnason hefur skrifað um myndlist um árabil og kennt heimspeki lista og fagurfræði í Listaháskóla Íslands. Hann lærði myndlist í Myndlista- og handíðaskóla Íslands og School of Visual Arts í New York áður en hann sneri sér að heimspeki. Hann nam heimspeki við Háskóla Íslands og var í framhaldsnámi í heimspeki og fagurfræði lista í Cambridge háskóla á Englandi.

Blaðsíðufjöldi: 
364
Útgáfuár: 
2017
ISBN: 
978-9935-23-141-3
Útgáfuform: 
Tungumál: 
Verknúmer: 
U201638
0
Þú ert að nota: brimir.rhi.hi.is