Íslenska

Afbrot og íslenskt samfélag

Höfundur/-ar/Ritstjóri/-ar: 
Helgi Gunnlaugsson
Verð: 
4900

Bókin Afbrot og íslenskt samfélag er innlegg í umræðu um íslenskt samfélag og þróun þess frá sjónarhorni félags– og afbrotafræðinnar. Tilgangur bókarinnar er að koma á framfæri aðgengilegu íslensku lesefni um afbrot á Íslandi og um leið að vekja áhuga og umræður um málefnið. Stuðst er við viðhorfsmælingar, opinber gögn, rýnihópa, fjölmiðla og niðurstöður sem túlkaðar eru í ljósi alþjóðlegs samanburðar.

Í bókinni er meðal annars leitað svara við eftirtöldum spurningum:

  • Hver hefur þróun afbrota verið á Íslandi á síðustu árum?
  • Hvað einkennir íslensk fangelsi og fanga?
  • Hvernig hafa Íslendingar brugðist við fíkniefnavandanum?
  • Eru dómstólar vægari en almenningur?
  • Hverjir eru gerendur kynferðisbrota gegn börnum?
  • Hvert er umfang netbrota á Íslandi?

Helgi Gunnlaugsson er prófessor í félagsfræði við Háskóla Íslands. Hann hefur kennt afbrotafræði við skólann í fjölda ára og sat í stjórn Norræna sakfræðiráðsins 2001 – 2015. Hann lauk doktorsprófi frá Missouriháskóla í Bandaríkjunum þar sem hann sérhæfði sig í afbrotafræði og réttarfélagsfræði. Helgi hefur einn eða í samstarfi við aðra gefið út fjölda verka, þar á meðal: Afbrot og Íslendingar (2000), Wayward Icelanders: Punishment, Boundary Maintenance and the Creation of Crime (2000) og Afbrot á Íslandi (2008). Auk þess hafa greinar birst víða í fræðaheiminum, meðal annars í European Journal of Criminology, Howard Journal of Crime and Justice, Criminology and Crime Prevention og Social Problems.

 

 

Blaðsíðufjöldi: 
312
Útgáfuár: 
2018
Útgáfuform: 
Tungumál: 
Verknúmer: 
test
0

Almanak Hins íslenska þjóðvinafélags 2018

Höfundur/-ar/Ritstjóri/-ar: 
Þorsteinn Sæmundsson, Gunnlaugur Björnsson og Jón Árni Friðjónsson
Verð: 
2890

Auk dagatals flytur almanakið margvíslegar upplýsingar, svo sem um sjávarföll og  gang himintungla. Lýst er helstu fyribærum á himni sem frá Íslandi sjást. Í almanakinu eru stjörnukort, kort sem sýnir áttavitastefnur á Íslandi og kort sem sýnir tímabelti heimsins. Þar er að finna  yfirlit um hnetti himingeimsins, mælieiningar, veðurfar, stærð og mannfjölda allra sjálfstæðra ríkja og tímann í höfuðborgum þeirra. Af nýju efni má nefna grein um segulsvið jarðar, orsakir þess og margvísleg áhrif. Bent er á afleiðingar sem langtíma breytingar á sviðinu gætu haft á ratvísi dýra, gervitungl, fjarskipti og norðurljós. Þá er fjallað um fjarlægðir tungls og sólar og hvernig beri að skilja þær tölur sem oftast sjást í bókum um það efni. Loks eru í almanakinu upplýsingar um helstu merkisdaga nokkur ár fram í tímann.

Jón Árni Friðjónsson tók saman Árbók Íslands 2016.

Blaðsíðufjöldi: 
192
Útgáfuár: 
2017
ISBN: 
978-9935-23-175-8
Útgáfuform: 
Efnisorð: 
Tungumál: 
Verknúmer: 
U201803
0

Grænlandsfarinn

Höfundur/-ar/Ritstjóri/-ar: 
Vigfús Geirdal
Verð: 
4900

Vigfús Sigurðsson Grænlandsfari (1875–1950) varð nafnkunnur af þremur sögulegum Grænlandsleiðöngrum. Tvívegis var hann fylgdarmaður landkönnuða sem notuðu íslenska hesta á ferðum sínum um Grænlandsjökul. Í leiðangrinum 1912–1913 var farið þvert yfir Grænland og veturseta höfð á jökli. Komust leiðangursmenn naumlega lífs af úr þeirri svaðilför. Hinum síðari, 1930–1931, stýrði Alfreð Wegner, höfundur landrekikenningarinnar. Sjálfur stóð Vigfús fyrir Gottuleiðangrinum 1929 sem farinn var til að fanga á Grænlandi vísi að íslenskum sauðnutastofni. Dóttursonur Grænlandsfarans og nafni, Vigfús Geirdal sagnfræðingur, bjó til útgáfu dagbækur afa síns úr Grænlandsferðunum þremur og önnur gögn þeim tengd.

Blaðsíðufjöldi: 
316
Útgáfuár: 
2018
ISBN: 
978-9935-23-177-2
Útgáfuform: 
Efnisorð: 
Tungumál: 
Verknúmer: 
U201802
0

Almanak HÍ 2018

Höfundur/-ar/Ritstjóri/-ar: 
Þorsteinn Sæmundsson og Gunnlaugur Björnsson
Verð: 
182

Auk dagatals flytur almanakið margvíslegar upplýsingar, svo sem um sjávarföll og  gang himintungla. Lýst er helstu fyribærum á himni sem frá Íslandi sjást. Í almanakinu eru stjörnukort, kort sem sýnir áttavitastefnur á Íslandi og kort sem sýnir tímabelti heimsins. Þar er að finna  yfirlit um hnetti himingeimsins, mælieiningar, veðurfar, stærð og mannfjölda allra sjálfstæðra ríkja og tímann í höfuðborgum þeirra. Af nýju efni má nefna grein um segulsvið jarðar, orsakir þess og margvísleg áhrif. Bent er á afleiðingar sem langtíma breytingar á sviðinu gætu haft á ratvísi dýra, gervitungl, fjarskipti og norðurljós. Þá er fjallað um fjarlægðir tungls og sólar og hvernig beri að skilja þær tölur sem oftast sjást í bókum um það efni. Loks eru í almanakinu upplýsingar um helstu merkisdaga nokkur ár fram í tímann.

Blaðsíðufjöldi: 
96
Útgáfuár: 
2017
ISBN: 
977-1022-852-00-7
Útgáfuform: 
Efnisorð: 
Tungumál: 
Verknúmer: 
U201800
0

Gripla XXVIII

Höfundur/-ar/Ritstjóri/-ar: 
Emily Lethbridge og Rósa Þorsteinsdóttir
Verð: 
4500

Gripla 2017 inniheldur átta fræðigreinar (fjórar á íslensku og fjórar á ensku) og eina textaútgáfu. Viðfangsefni greinanna er fjölbreytt og tilheyrir mörgum sviðum: þjóðfræði, bókmenntafræði, handritafræði, svo og sögu íslensks máls. Ritrýndar greinar eru eftir Romina Werth og Aðalheiði Guðmundsdóttur, sem fjalla um framlag kvenna til söfnunar þjóðsagna á Austurlandi; Joanne Shortt Butler, sem skrifar um sagnapersónuna Þorstein Kuggason og ímyndunarafl höfunda Íslendingasagna; Þórdísi Eddu Jóhannesdóttur, sem skoðar gerðir Jómsvíkinga sögu í miðaldahandritum; Rebecca Merkelbach, sem notar hugtök um skrímsli til að túlka Grettis sögu Ásmundarsonar og einkenni Grettis og annarra útlaga í Íslendingasögum; Aðalstein Hákonarson, sem fjallar um ritun og framburð orða eins og fé, mér og sér í ljósi athugasemda Brynjólfs Sveinssonar frá árinu 1651; Stefan Drechsler, sem skoðar myndskreytingar handrita á vestanverðu Íslandi á 13. öld og í upphafi 14. aldar; og Natalie M. Van Deusen, sem gefur út texta kvæðisins „Sprundahrós“, varðveittan í pappírshandritunum ÍB 850 8vo, JS 255 4to og JS 589 4to, ásamt inngangi. Í heftinu er að auki grein um samtöl í Íslendingasögum eftir Theodore M. Andersson. Þar má einnig finna grein eftir Má Jónsson um þeta-brotið (AM 162 B fol. θ) og glataða Gullskinnu-handritið af Njáls sögu.   

Blaðsíðufjöldi: 
262
Útgáfuár: 
2017
ISBN: 
978-9979-654-44-5
Tungumál: 
Verknúmer: 
U201738
0

Andvari 2017

Höfundur/-ar/Ritstjóri/-ar: 
Gunnar Stefánsson
Verð: 
2950

Aðalgrein Andvara í ár fjallar um Björn Þorsteinsson sagnfræðing og er hún samin af  Gunnari F. Guðmundssyni sagnfræðingi. Björn var tímamótamaður í fræðigrein sinni á Íslandi, nálgaðist sögu þjóðarinnar með öðrum hætti en fyrri fræðimenn, út frá þjóðfélagsþróun fremur en  ævisögum einstakra forustumanna. Einkum fjallaði hann um sögu fyrri alda og ekki síst erlend áhrif á Ísland. „Enska öldin“ nefnist eitt helsta rit hans og fyrir það varð hann doktor frá Háskóla Íslands.

    Aðrar greinar í Andvara eru þessar:  Hannes Pétursson ritar „Tvennt í heimi“, um fræga vísu eftir Steingrím Thorsteinsson  í kvæðinu Lífshvöt, sem að öðru leyti er gleymt. - Hjalti Hugason ritar um séra Pál Sigurðsson í Gaulverjabæ og postillu hans , en hún hafði  veruleg  áhrif til að breyta afstöðu manna til trúmála í  lok nítjándu aldar og upphafi hinnar tuttugustu. -  Ármann Jakobsson fjallar um útgáfur Íslendingasagna fyrir almenning fyrr á tíð og einkum mikla útgáfu sem Sigurður Kristjánsson stóð fyrir og var hin fyrsta sem náði til alls almennings, svo sagt hefur verið um Sigurð að hann hafi fært þjóðinni Íslendingasögurnar. – Soffía  Auður  Birgisdóttir og Snævarr Guðmundsson rita saman grein um „stjörnuglópinn“ Þórberg Þórðarson. Það er bókmenntaleg og stjarnfræðileg athugun á hinum mikla áhuga  Þórbergs á stjörnunum sem fram  kemur í sögunni um elskuna hans Íslenskum aðli.- Páll Bjarnason birtir stutta grein um ástir Jónasar Hallgrímssonar og Þóru Gunnarsdóttur, samkvæmt heimild sem  er hið fyrsta sem kom fyrir eyru fólks um það efni, en ekki hefur birst fyrr á prenti. – Loks er grein eftir Auði Aðalsteinsdóttur um sögur eftir Auði Övu Ólafsdóttur. – Andvari er 166 blaðsíður. Ritstjóri er Gunnar Stefánsson og ritar hann inngangspistil í ritið.

Blaðsíðufjöldi: 
164
Útgáfuár: 
2017
ISBN: 
978-9935-23-173-4
Útgáfuform: 
Efnisorð: 
Tungumál: 
Verknúmer: 
U201734
0

Katrínarsaga

Höfundur/-ar/Ritstjóri/-ar: 
Bjarni Ólafsson og Þorbjörg Helgadóttir
Verð: 
5200

Hér birtast þrír textar sem allir fjalla um heilaga Katrínu. Sagan um hana varð til í Austurlöndum á sjöttu eða sjöundu öld og upphaflega skrifuð á grísku. Síðan var hún þýdd á latínu og ýmsar evrópskar þjóðtungur, þar á meðal á íslensku. Íslenska þýðingin er varðveitt í heilu lagi í handriti frá miðri 15. öld og í brotum frá miðri 14. öld til 1500.

Blaðsíðufjöldi: 
150
Útgáfuár: 
2017
ISBN: 
978-9979-654-41-4
Útgáfuform: 
Tungumál: 
Verknúmer: 
U201733
0

Sakir útkljáðar

Höfundur/-ar/Ritstjóri/-ar: 
Vilhelm Vilhelmsson
Verð: 
4900

Vinnuhjú strjúka úr vist sinni vegna sultar og illrar meðferðar. Hjón skilja sökum ósamlyndis og framhjáhalds. Nágrannar kíta um jarðamörk og hvalreka. Jarðeigandi kallar leiguliða sinn ábátt og hlýtur svívirðingar fyrir. Þetta er meðal þess efnis sem finna má í sáttabók Miðfjarðarumdæmis frá árunum 1799-1865. Bókin veitir merkilega innsýn í líf og hagi alþýðufólks á Íslandi á nítjándu öld. Þar birtast leiðir almennings til þess að leysa úr ágreiningsmálum og um leið halda friðinn í nærumhverfi sínu án þess að leita að náðir dómstóla.

Blaðsíðufjöldi: 
218
Útgáfuár: 
2017
ISBN: 
978-9935-23-170-3
Útgáfuform: 
Efnisorð: 
Tungumál: 
Verknúmer: 
U201725
0

Pages

Þú ert að nota: brimir.rhi.hi.is