Hjúkrun og fjölskyldur er ein fyrsta bókin sem gefin er út um fjölskylduhjúkrun. Hún er samin fyrir hjúkrunarfræðinga og annað fagfólk sem sinnir fjölskyldum. Í bókinni er lögð áhersla á leiðbeiningar um mat og meðferð hjúkrunarfræðinga á fjölskyldum þeirra sem eiga við bráð veikindi að stríða.

Leiðbeiningar og fróðleikur fyrir fjölskyldur á tímamótum

Í bókinni er fjallað um mismunandi hliðar á þeirri þjónustu sem öldruðum er veitt í heimahúsi. Gerð er grein fyrir því hvernig best er að snúa sér, ef til þess kemur að sækja þurfi um búsetu á hjúkrunarheimili og hvernig æskilegast er að standa að vali á heimili. Sagt er frá heilsufari og daglegu lífi íbúa á hjúkrunarheimilum og hlut fjölskyldu þeirra í umönnun. Sögu öldrunarheimila, uppbyggingu þeirra og rekstri eru gerð skil í bókinni og eins eru lífsgæði íbúa skoðuð frá ýmsum sjónarhornum.