Þessi bók hefur að geyma þekktustu frásagnir Biblíunnar. Saman sýna þær á ljóslifandi hátt sögu hinnar guðs útvöldu þjóðar. Þetta eru frásagnir um mannleg samskipti í öllum sínum margbreytileika; um svik, öfund og bróðurmorð, en einnig um náungakærleik, visku, trú og von.
Tómasarguðspjall, Tómasarkver og Tómas saga postula eru rit tileinkuð heilögum Tómasi postula. Upphaflega er talið að guðspjallið, kverið og frumgerð Tómas sögu (Acta Thomae) hafi myndað fornan meið í frumkristni. Tvö fyrstu ritin hurfu af sjónarsviðinu eftir aldamótin 400 og voru óþekkt þar til þau fundust meðal Nag Hammadi-handritanna árið 1945. Íslenskir textar Tómas sögu postula hafa verið þekktir frá því á 12. öld og latnesk fyrirmynd þeirra frá því á fjórðu öld.
Rannsóknir á bókum ritningarinnar hafa tekið nýja stefnu á síðasta áratug víða um heim. Þær hafa í æ ríkara mæli beinst að þeim mælskufræðilegu (rhetorísku) aðferðum sem höfundar biblíuritanna hafa beitt, og rannsóknin einnig beinst að bókum ritninganna í núvernadi gerð þeirra. Mörgum hefur þótt sem sögulegar rannsóknir á fyrri gerðum bókanna, heimildum þeirra og þróunarferli hafi sýnt sig að vera of þröng og takmörkuð aðferð sem leitt hafi fræðin í sjálfheldu og slævt tilfinninguna fyrir ritunum sem listaverkum og trúarritum.
Nýja testamentið og upphaf kristni Átökin um textann fjallar um mótunarsögu Nýja testamentisins á fyrstu þremur öldunum eftir Krist. Þá átti sér stað guðfræðileg barátta um hvaða rit ættu að verða hluti af Nýja testamentinu og öðlast þar með sess helgirita um aldur og ævi. Þær ákvarðanir sem teknar voru á þessum tíma skiptu sköpum fyrir þróun kristins átrúnaðar. Höfundur fjallar á skilmerkilegan hátt um þessa flóknu sögu þegar fyrstu kristnu söfnuðirnir tókust á um efni hinnar helgu bókar. Dr. Clarence E.
