Ofbeldi á heimili - Með augum barna

Ritstjóri/ar/Höfundur/ar: 
Guðrún Kristinsdóttir

Hvaða vitneskju hafa börn og unglingar um ofbeldi á heimilum?
Hvernig bregðast þau við ofbeldi á heimili sínu?
Hvaða áhrif hefur það að búa við heimilisofbeldi árum saman?
Hvernig finnst börnum fagaðilar og grunnskólinn liðsinna þeim við slíkar aðstæður?
Draga fjölmiðlar upp raunsanna mynd af þessari reynslu barna og unglinga?

Þetta er meðal þeirra spurninga sem bókin Ofbeldi á heimili - Með augum barna fjallar um. Hún er framlag til rannsókna á heimilisofbeldi, vanrækslu og misbeitingu gagnvart börnum og mæðrum og er jafnframt innlegg í baráttuna gegn þessu alvarlega þjóðfélagsmeini.
Í rannsókninni var leitað til barnanna sjálfra til að athuga hvaða hugmyndir þau hefðu um heimilisofbeldi. Niðurstöðurnar leiddu meðal annars í ljós að viðhorf drengja og stúlkna eru nokkuð ólík og að vitneskja þeirra er oft meiri en foreldrar halda. Í bókinni segja börn frá skilningi sínum og viðbrögðum við margþættu ofbeldi á heimilum. Einnig lýsa mæðurnar, sem bjuggu bæði við andlegt og líkamlegt ofbeldi reynslu sinni.
Bókin er gagnleg fyrir almenning, fræðimenn, háskólanema og alla sem sinna börnum og unglingum.

Hagþenkir veitti ritstjóra Viðurkenningu 2014 fyrir ritstjórn bókarinnar Í ályktun segir m.a.:
Merkilegt brautryðjandaverk sem á ríkt erindi við kennara, foreldra og alla sem láta sér annt um börn og velferð þeirra. Nánar.

Bókin hlaut Fjöruverðlaunin, bókmenntaverðlaun kvenna 2015 í flokknum fræðibækur og rit almenns eðlis Úr umsögn dómnefndar:
Þetta er frumkvöðlarannsókn sem á sér fáar hliðstæður erlendis og er einstök í íslensku samfélagi, þar sem ofbeldi á heimilum hefur ekki áður verið rannsakað út frá sjónarhóli barna.Nánar.

Þá fékk bókin Menningarverðlaun DV fyrir árið 2014 í flokknum Fræði: Í umsögn segir m.a.:
Lesendur fá innsýn í nöturlegt líf fjölda barna og ungmenna á Íslandi og bókin mun án efa gagnast öllum sem sinna börnum. Ofbeldi á heimilum er mikilvæg bók sem varðar alla í samfélaginu. Nánar.

Útgáfuár: 
2014
Blaðsíðufjöldi: 
324
ISBN: 
978-9935-23-056-0
Verknúmer: 
U201429
Verð: 
4900