Ritið 1/2010, tímarit Hugvísindastofnunar, er nú komið út. Heftið er að þessu sinni tileinkað safnafræðum.

Greinarnar í heftinu eru eftir sjö höfunda og er viðfangsefnið af ýmsu tagi.

• Ástráður Eysteinsson, bókmenntafræðingur, skrifar grein sem heitir „Söfnun og sýningarrými: Um söfn, hefðarveldi og minningasetur.“
• Valdimar Tr. Hafstein, þjóðfræðingur, ritar grein sem hann nefnir „Þekking, virðing, vald: Virtúósinn Ole Worm og Museum Wormianum í Kaupmannahöfn.“
• Loftur Atli Eiríksson, menningarfræðingur, fjallar svo um „Menningarvæðingu viðskiptalífins“ 
• Tinna Grétarsdóttir, mannfræðingur, nefnir sitt framlag „Á milli safna: útrás í (lista)verki.“
• Katla Kjartansdóttir, þjóðfræðingur, nefnir sína grein „Mótmælastrengur í þjóðarbrjóstinu“
• AlmaDís Kristinsdóttir, menntunarfræðingur, ræðir um safnfræðslu í „Safnfræðsla: staða og (ó)möguleikar.“
• Hannes Lárusson, myndlistarmaður, er svo með myndaþátt sem hann nefnir „Doodling“ og leggur þar út af kroti í skjóli hrunsins.

Ritstjórar heftisins eru þau Helga Lára Þorsteinsdóttir, safnafræðingur, og Sigurjón Baldur Hafsteinsson, lektor í safnafræði við Háskóla Íslands.

Ritið er ritrýnt tímarit og kemur út þrisvar á ári hjá Hugvísindastofnun Háskóla Íslands.